“Lè nou fenk kòmanse travay ak Estidyo Komabo, nou pa te vle di nou fyè dèske nou se yonn nan pyonye ki kòmanse yon konpayi k ap fè fim sèlman nan lang kreyòl. Men kounye a, aprè tout ane sa yo nou fè ap travay, nou panse nou ka di l.”

— Freita Black.

“Estidyo Komabo se yon konpayi ki bay tèt li pou l pote kè kontan ak dan griyen nan kominote ki pale kreyòl la. E mwen fyè pou m fè pati konpayi sa a.”

— Rob De Azumba.

“Sa te prèske enposib pou nou te jwenn moun ki pou travay ak nou lè yo te tande se nan lang kreyòl nou pral fè fim nou yo sèlman. Men lè yo kòmanse travay ak nou, yo wè kalite travay n ap remèt, e wè tou jan nou dedye tèt nou nan travay la menm lè piblik la pa te byen resevwa nou nan kòmansman, travayè yo te kanpe ak nou e vin pi devwe pase nou. ”

— Rachella Bella.