Dieupanou.

An nou travay ansanm.

Dieupanou.

Se istwa yon mesye ki marye ak madanm li depi Ayiti. Li voye chache madanm nan men ki pa satisfè ak lavi y ap mennen. L ap mache pran lòt fanm sou madanm nan san panse pitit fi li ap swiv tout sa l ap fè. Li pa janm gen tan pou fanmi an nan kouri dèyè plezi. An nou swiv pou nou wè si sa l ap jwenn sa l ap chache a, e si li jwenn li èske l ap satisfè l. E kòman lavi fanmi an pral fini.

“Pa gen moun k ap vin fè anyen pou nou, jan yo te fè nou konprann li lè nou t ap grandi, espesyalman noumenm ki leve nan relijyon. Si nou pa kanpe fè pou tèt an nou, nou bannann. Pa rete chita tann, panse moun ap vin redi travay pou ban nou manje. Pa gen moun k ap kite lakay yo sal pou al netwaye kay lòt moun si se pa yon bagay yo wè yo bezwen pou y al pran. An nou mete tèt nou ansanm pou n retire nou nan sa nou ladan l lan. An nou panse pozitif, nou gen ase pouvwa nan nou pou n fè l. Sèlman, an nou kole tèt nou ansanm.”